OJO GELO

OJO GELO

(Dening : Reynaldy rio Prasetya)

Nang sawijining deso jenenge deso makmur kecamatan gedangan kota jombang, enek sahabat 3 jenenge abi, rama, lan udin. Sahabat 3 iku maeng nangdi nangdi mesti bareng. Wiwit  budal sekolah nganti wayah bengi sinau bareng. Saiki sahabat 3 iku maeng wes kelas 3 SMA, mulane podo sregep sinau kabeh. Ujian nasional kurang sedino engkas sahabat 3 iku maeng sinau bareng nang omah e abi. Sakwise ujian nasional sahabat 3 iku maeng mlaku mlaku menyang suroboyo gawe nyegerno pikiran. Sakwise ujian kegiatan e wes gak koyok biasane saiki wes podho santai tapi isih tetep sinau gawe tes nang perguruan tinggi. Ujian nasional wes mari lan hasil e wes diumumno saka cah 3 maeng abi entuk biji duwur dewe disusul udin karo rama.

Sakwise diumumno kuwi maeng bocah bocah podo sibuk gawe daftar perguruan tinggi. Sahabat 3 maeng pisah sekolah sing abi nang suroboyo rama nang malang lan udin nang jember. Masio bedo kutho sahabat 3 iki isih tetep nyambung silahturahmi. Pas podho mulih menyang jombang wong 3 iku maeng podho dolan bareng muter muter kutho jombang. 4 tahun wes kelakon lan saiki wes podo lulus soko pergruan tinggi lan saiki wes podo entuk kerjo kabeh.

Abi karo rama podo podo entuk kerjo nang jombang lain hal e karo udin, udin entuk kerjo nang suroboyo. Masio udin nang suroboyo tapi sakminggu pisan mesti muleh menyang jombang. 2 tahun udin kerjo nang suroboyo lan akhire di pindah nang jombang, udin bersyukur banget dipindah nang jombang amarga iso kumpul karo sahabat e yoiku abi lan rama. Pas udin moleh kuwi bebarengan karo nikahane abi. Wong 3 iku maeng foto bareng pas nang pernikahan e abi.

Sahabat 3 iki maeng manggon nang deso sing podo yoiku deso makmur. Nang deso makmur iki enek kembang deso jenenge ajijah. Ajijah kuwi gadis sing ayu banget, sabar lan pinte. Rama lan Udin.meneng meneng podo seneng karo ajijah. Rama sing wes siap ngelamar ajijah budal menyang omah e ajijah, kejadian ora disongko songko udin yo budal menyang omah e ajijah gawe ngelamar gadis deso iku. Rama kaget udin wes teko nang omah e ajijah, rama takon nang udin enek opo nang omah e ajijah udin jawab yen kate ngelamar ajijah ora suwe wong tuwone ajijah metu lan ngongkon wong 2 iku maeng mlebu. Wong 2 iku maeng jelasno tujuan e nang omah e ajijah maeng. Wong tuwone erimo lamaran wong loro iku maeng, tapi keputusan ono ing tangan e ajijah. Ajijah bebas milih antara wong loro iku. Akhire ajijah milih rama sing dadi calon bojo e lan udin ditolak, udin sing cinta banget nang ajijah mangkel lan gelo tapi piye maneh ajijah luweh milih rama ketimbang udin. Akhire persahabatane wong 2 iku rodok renggang udin duwe roso mangkel nang rama. Masio isih duwe roso mangkel nang rama lan ajijah, udin pun saiki wes nikah karo wong liyo.

Nang deso Makmur enek pemilihan kepolo deso lan sahabat 3 maeng nyalono dadi calon kepolo deso. Nomer urut 1 yoiku abi, nomer 2 yoiku rama lan  nomer urut 3 yoiku udin. Panitia ngewenehi waktu sak minggu gawe kampanye lan ora oleh curang.. Abi kampanye lewat pengajian lan ndungo bareng. Rama lewat pidato lan dungo bareng. Udin sing isih mangkel karo rama duwe niatan elek nang kampanye iki, udin pidato nang ngarep e warga. Bengine udin lan tim sukses e moro nang omah e warga lan bagi-bagi dhuwit, nyambi bagi-bagi dhuwit udin ngelek ngelekno jeneng e rama lan ngongkon ojo milih rama. Tim sukses e rama sing ngerti kejadian iku langsung lapor nang rama, rama sing sabar lan senengane guyon ora dipikir jeru masalah iki. Rama mung ngguya ngguyu pas krungu kejadian iki.

Dino Minggu tepat e pimilihan kepolo deso dimulai. Wiwit isuk nganti sore pemilihan dilakoni. Jam 4 sore wayah e pengumuman. Suwi anggone ngitung jam 7 sore wes mari pengitungan. Pak rama entuk suoro paling duwur disusul abi lan udin. Sawise pengitungan suoro kabeh podo jabat tangan, rama akhire ngajak ngomong udin wong loro lan nang kunu enek ajijah, abi delok soko adohan lan dadi penengah. Akhire  rama ngomong nang udin yen ngerti kejadian pas kampanye. Udin kaget lan ngeroso bersalah akhire udin njaluk sepuro nang rama lan ajijah akhire persahabatan wong 3 wes mbalek koyok biyen lan nang akhir rama ngece udin yen ora iso ngetukno ajijah akhire kabeh podo ngguyu hahaha…

~TAMAT~